mánudagur, júní 28, 2004

Bíllinn ofl.

Smátt og smátt er ég að byrja að undirbúa mig. Í dag tók ég smá syrpu með bílinn, hringdi bæði í Eimskip og Samskip og gerði verðsamanburð og þjónustusamanburð.
Samskip er örlítið ódýrari en að öðru leyti nákvæmlega sömu svör. Skipin fara á sömu dögum til sömu staða osfrv. Soldið skrítið.

En alla vega leggur bíllinn aleinn upp í langferð þann 15. júlí og mætir galvaskur í Árósum þann 22. svo ég er búin að láta Magga vita að við séum að fara í bíltúr þann dag ;-)

Um daginn tók ég háaloftið í gegn og verð að viðurkenna að ég var nú bara doldið stolt af mér eftir það. Ég sum sé ryksugaði allt gólfið (ekki nema ca. 9 fermetrar en ég var á fjórum fótum með engan haus að ryksuga 50 ára gamalt ryk úr óhefluðum gólffjölum, svo ekki reyna að gera lítið úr því), lagði svo pappa á allt saman og nelgdi niður og raðaði svo draslinu þannig að nú er hálftómt þarna uppi. Fríðu dót til dæmis sést varla í einu horninu, svo ekki hafa áhyggjur af því Fríða, en ég fæ enn í magann yfir öllu sem þeir báru út mennirnir um daginn, vonandi bara munið þið aldrei eftir að hafa átt þetta allt saman!!

Anyway... það var ca. 40 stiga hiti þarna uppi meðan ryksugan blés stöðugt heitu lofti en Birta lét sig samt hafa það að sitja uppi hjá mér dágóða stund og halda litlujólin af því hún rak augun í jólaskrautskassana.

Nú á ég eftir að vinna í... segi og skrifa... 2 daga!!!
Við héldum ,,35 ára og yngri" partý á laugardaginn og það var rosa gaman og ég ætla bara ekkert að fara nánar út í það!!
Síðan á trúlega að fara út að borða á miðvikudag og svo fékk ég reyndar líka köku á föstudaginn, svo það eru bara stöðug hátíðahöld í vinnunni í tilefni af því að þau eru að losna við mig... hehe ;-)

later aligator...

föstudagur, júní 25, 2004

Ég er orðin bloggari !!! :-)

Well well well
Fyrst maður ætlar að stinga af til útlanda verður maður víst að koma sér upp bloggi... ekki satt???

Ekki fer ég alla vega að skrifa fólki bréf á gamla mátann með blaði og penna... hehe...

Staðan er þannig núna að leiðbeinandinn er búinn að gefa grænt ljós á að skrifa ritgerðina úti svo nú er bara að ákveða um hvað hún að fjalla og fara svo að safna efni til að taka með.

Við eigum pantað far út 16. júlí og þetta er spurning að halda vel á spöðunum þangað til. Alla vega finnst mér að þetta hljóti að vera megadæmi að undirbúa sig, pakka niður því sem á ekki að taka með, svo pakka niður því sem á að taka með, panta far fyrir bílinn í skipi, púsla svo í hann öllu draslinu og svo auðvitað pappírsvinnan við að flytja úr landinu og svona... en kannski er þetta bara pís of keik!?!
Er alla vega vel sett með alla þessa ættingja sem þegar hafa gengið í gegnum þetta!!

Læt þetta duga í fyrsta sinn en ef einhver hefur áhuga þá kannski skrifa ég meira síðar :-)


Birta Posted by Hello